還有兩個星期便是香港跑界盛事，渣打香港馬拉松2024。此次受 Adidas 邀請與兩位渣馬熟人尹焯𤋮以及魏賡做一個簡單的訪問，兩人過去在渣打馬拉松曾獲奬，為香港頂級跑手，本以為會有嚴格的飲食規劃，當時魏賡手拿著麥當勞當日優惠餐，原來兩人是吃完麥當勞才來的，頓時感覺兩人親民許多。

重回渣馬

長跑已有 11 年的尹焯𤋮在香港渣打全馬曾奪得香港渣馬第三名，不過上年受腰痛所困較少參加比賽，今年傷患終於康復，他回憶道： 「上年11月跑完半馬 ，（腰痛）呢兩三個月開始越嚟越少，甚至去到冇，所以今年渣打都會對自己有啲期望。」這種期望相比起名次上，他更希望時間上能跑進 2 小時 30 分鐘內。渣馬賽道需要上斜又要入隧道，尹焯𤋮見其他跑手都會練斜路，不過他在11月半馬回港後時間倉促，「訓練時間表上唔夠時間，所以就冇刻意去練斜路」，他打算運用平路跑得快些來換取上斜路的策略拉平時間。

（圖：Adidas）

「每一年有得跑都好期待，加上今年轉咗 Adidas贊助，隔咗幾年再返返嚟跑渣馬希望可以跑得好啲，係呢嗰賽道可以跑到一個好成績。」這種期望不僅僅是目前的賽事，亦同時為未來賽事作部署﹐尹焯𤋮指自己的 PB 並不快，假若能在渣馬跑出滿意的時間，能大大增加他在之後賽事的信心：「今年內我會再出去比賽，然後再跑快一點，甚至將個 target可以放前啲。」他暫定目標是「最速賽道」的 2024 年的華倫西亞馬拉松，「一方面我見歐洲美洲啲比賽都係 9月、10月、11月，係香港比賽難練，另外上次有跑過華倫西亞半馬，覺得係一個幾好嘅地方，所以我自己都想係嗰度跑一次全馬。」

（圖：Adidas）

新一年新的突破

2019 年尹焯𤋮及魏賡都在六大馬的柏林馬拉松 PB，尹焯𤋮：2:27:26，魏賡：2:26:15 ，兩人都希望能在時間上再作突破，最近幾個月魏賡將重心放在跑班，他感覺自己處於一種停滯不前的狀態，自2019 年起便未能打破自己個人最佳紀錄，成績亦未如理想，「上年 2023年我跑過 3 場全馬比賽，有 2 場都係 2 小時 29 分左右，但都跑唔到 Top 5 嘅名次，希望可以攞高一啲嘅名次」，12月他決意打破這個現況，更為此增加 700 公里的訓練量，一方面是想證明自己，另一方面亦是想創新成績：「希望可以係本地最大型嘅比賽重新證明自己仲有能力繼續去突破。」

（圖：Adidas）

具挑戰性的跑道

尹焯𤋮認為渣打馬拉松為跑手們建構起一個平台讓他們互相切磋，一較高下，香港渣馬出名難，特別是賽道方面，被問及覺得最具挑戰的位置，跑了多次渣馬的尹焯𤋮相比起賽道更為擔心天氣帶來的影響：「因為賽道我哋都跑咗好多年，所以我哋好熟悉⋯⋯但最影響比賽發揮嘅係天氣」，他希望有個好天氣，「所有參加比賽嘅跑手會跑得好啲」。

過往都曾分別奪得渣馬冠亞季的魏賡認為渣馬挑戰難度大，不過最重要的是心態，縱使過往曾在渣馬攞奬，但在 2019 年他卻未能完賽：「渣馬嘅天氣每年都反覆，都係比賽濕熱，比較暖，賽道一向都係挑戰性比較大，唔係話好平坦，又要進隧道，又要上橋。」假若心理質素較弱，遇到渣馬的難題會較容易放棄，因為他曾經未能完賽，因此對心理質素更有深刻體會。

（圖：Adidas）

同場加映 adidas 於 2024 年 1 月 6 – 19 日期間﹐在尖沙咀旗艦店4樓設置的「好勝鬥室」將開放予各跑手體驗，以 4D 技術讓參加者投入模擬馬拉松環境。adidas 更會提供 ADIZERO ADIOS PRO 3 讓參加者試穿，於 6 分鐘體驗時間內經歷 4 大極端馬拉松路況，包括悶熱、冷風、 濕氣和暗斜，成功完成 1 公里則可獲得 adidas Runners tee 一件，活動期內完成最長距離的參加者更有機會躋身排行榜，贏取 ADIZERO ADIOS PRO 3 一對。